प्रेस युनियन गुल्मीमा केन्द्रिय अध्यक्षले नै चयन गरेको नेतृत्व विवादमा , असन्तुष्ट बहुमत सदस्यद्धारा अर्को कार्य समिति गठन
साउन ५, गुल्मीः नेपाल प्रेस युनियनका केन्द्रिय अध्यक्ष शिब लम्सालले घोषण गरेको गुल्मी जिल्लाको कार्यसमिति विरुद्ध असन्तुष्ट बहुमत सदस्यले अर्को कार्यसमिति घोषण गरेका छन् ।
बिहीबार नेपाल प्रेस युनियनका केन्द्रिय अध्यक्ष शिव लम्साल आफैले अध्यक्षमा रेशम कुवंरलाई निरन्तरता दिदै सर्वसम्मत नेतृत्वको चयन भन्दै फेसवुकमा बधाई राखे ।
केन्द्रिय प्रतिनिधी प्रेमनारायण आचार्यले हस्ताक्षर गरेको कार्यसमितिको नामवली सार्वजनिक भयो । तर, युनियनका ३८ जना सदस्यले अधिवेशन बहिष्कार गरेको जनाएका छन् ।
बिधि बिधान बाहिर गएर मनोनयन र छलफल नगरेर निर्वाचन समितिलाई समेत लत्याएर केन्द्रिय अध्यक्ष लम्सालको ठाडो हस्तक्षेप आफुहरुलाई मान्य नहुने अध्यक्ष पदका उमेद्वार सुमन महताराले बताए ।
जिल्लामा ५९ जना सदस्य मध्ये ३८ जना बहुमत सदस्यको बिहान बसेको बैठकले सुमन महतरा अध्यक्ष रहेको १८ सदस्यीय नयाँ नेतृत्व गठन गरेको छ । उनीहरुले एकलौटी टाँसिएका १९ जना मध्ये १६ जना असन्तुष्ट रहेकाले आउने अर्को अधिवेशनसम्मको लागि कार्यसमिति शुन्य हुन नदिन समिति गठन गरिएको महताराले बताए ।
असन्तुष्ट पक्षले निर्वाचन समितिमार्फत केन्द्रमा निर्णय सच्याएर पुन अधिवेशनको माग गरेका छन् । उनीहरुले पुन निर्वाचन प्रक्रिया अगाडी नबढाएर बिद्रोह गर्ने चेतावनी दिएका छन् ।
असन्तुष्ट पक्षले घोषण गरेको कार्यसमितिमा सुमन महतारा अध्यक्ष, उपाध्यक्षमा प्रकाश घिमिरे र दीपक नेपाली,सचिबमा सागर भण्डारी ,सहसचिबमा चन्द्रकला राना र अनिल खत्री , कोषाध्यक्षमा नविन कार्की रहनुभएको छ । यस्तै सदस्यमा भुवन भुसाल,अनिष पन्थी,भुवन काफले,पुजा बिश्वकर्मा,करिष्मा अर्याल,माधव खरेल,कबिराज भुसाल,मोहन गौतम,सुरज कार्की,दधिराम भुसाल , रमेश पन्थी रहेको सचिब सागर भण्डारीले सामाजिक संजाल मार्फत सार्वजनिक गरेका छन् ।
केन्द्रिय प्रतिनिधी प्रेम नारायण आचार्यले जारी गरेको निर्वाचितको विवरण अनुसार १९ जनाको कार्यसमिति मध्ये अध्यक्ष रेशम कुवंर, उपाध्यक्ष रमेश विश्वकर्मा र सदस्य मनु सुनार बाहेक उपाध्यक्ष दिपक नेपाली, सचिव सुमन महतारा, सहसचिव सन्तोष महतारा र चन्द्रकला राना, कोषाध्यक्ष नविन कार्कीसहितका १६ जनाले असहमति राखेका थिए ।
नेपाल प्रेस युनियनका केन्द्रिय प्रतिनिधी प्रेम नारायण आचार्यले केन्द्रिय अध्यक्षकै उपस्थितीमा भएको निर्णय सच्चिने संभावना कम रहेको बताए । उनले सहमतिकै आधारमा समिति निर्माण गरिएको दाबी गरे ।
नेपाल प्रेस युनियनको नवौ जिल्ला अधिवेशन निर्वाचन समितिका संयोजक अधिवक्ता भिम न्यौपानले केन्द्रले हस्तक्षेप गरेपछि असहमतिको बीचमा आफुले काम गर्न नसकेको बताए ।