चन्द्रकोट गाउँपालिकाले जनप्रतिनिधि र कर्मचारीलाई कानुनी ज्ञान दिँदै

0 411

 

असोज ९ ,२०७९ गुल्मीः चन्द्रकोट गाउँपालिकाले जनप्रतिनिधि र कर्मचारीहरुलाई कानूनी ब्यबस्थाबारे जानकारी गराउन कानूनी शिक्षा प्रदान गरेको छ ।

नवनिर्वाचित जनप्रतिनिधिहरु र कर्मचारीहरुमा काममा एकरुपता ल्याउन र आफूहरुको अधिकार र जिम्मेवारीका बारेमा पनि स्पस्ट हुनका लागि कार्यक्रम गरिएको गाउँपालिकाका अध्यक्ष युवराज केशीले जानकारी दिए ।

ad

भर्खरै मात्र निर्वाचित भएका जनप्रतिनिधिहरुलाई आफनो अधिकार र कर्तब्य अन्र्तगत कानूनी ब्यबस्थाका बारेमा जानकारी गराउँदा कार्य सम्पादन , सभा संचालनमा स्पस्टता हुने केशीको दाबी छ ।
कर्मचारी र जनप्रतिनिधिहरुलाई काम कर्तब्य संगै अधिकारको बारेमा स्पस्ट भएपछि मात्रै सही तरिकाले सार्वजनिक सेवा प्रवाह,जनताप्रति उत्तरदायी र जवाफदेहीता हुने भन्दै कार्यक्रम फलदायी भएको केशीले बताए ।


स्थानीय सरकारलाई न्यायीक अधिकार पनि भएकाले न्यायीक समितिका पदाधिकारीहरुले कसरी भरपर्दो रुपमा न्याय सम्पादन गर्ने भन्ने बारेमा अभिमुखीकरण गराइएको हो ।

पछिल्लो समयमा स्थानीय तहहरुमा वेरुजुको चाङ लागिरहेको समयमा वेरुजुलाई कसरी कम गर्ने भन्ने बारेमा पनि कर्मचारी र जनप्रतिनिधिहरुलाई प्रशिक्षण दिइएको हो ।

जनप्रतिनिधिहरुको क्षमता बिकास कार्यक्रम मार्फत उक्त कार्यक्रम गरिएको भन्दै यस्तै कार्यक्रमहरुलाई आवश्यकताको आधारमा निरन्तरता दिँदै जाने केशीेले जानकारी दिए ।
उक्त कार्यक्रम आफूहरुका निकै नै फलदायी भएको वाड नम्वर एकका वडा अध्यक्ष एवम प्रवक्ता घनश्याम खरेलले जानकारी दिए ।

जननिर्वाचित जनप्रनिधिहरुलाई आफूहरुको अधिकार र कर्तब्य बारेमा पनि अस्पस्टता हुने र कानूनी ज्ञान पनि कम हुँदा कार्यसम्पादनमा समस्या आउने भएकाले यो कार्यक्रम निकै नै महत्वपूर्ण भएको उनको दाबी छ ।
कर्मचारी , जनप्रतिनिधिहरु बीचको तालमेल र आफूहरुको काम कर्तब्य संगै अधिकारका बारेमा जानकारी नुहँदा धेरै स्थानहरुमा कार्यसम्पादनमा समस्या आउने गरेको भन्दै यो कार्यक्रमले उक्त समस्याको पनि हल गर्ने गाउँपालिकाका सूचना अधिकारी शिवप्रसाद ज्ञवालीले जानकारी दिए ।

जनप्रतिनिधिहरुले नीति, नियम , कानूनहरु निर्माण गर्ने र कर्मचारीहरुले त्यसको कार्यन्वयन गर्ने भएकाले जनप्रतिनिधि र कर्मचारी बीचको सम्बन्ध नङ र मासुको जस्तै हुने ज्ञवालीको तर्क छ ।
उक्त कार्यक्रमको सजिकरण नेपाल सरकारका पूर्व मुख्य सचिब लीलामणी पौडेल र गाउँपालिका राष्ट्रिय महासंघका कार्यकारी निर्देशक राजेन्द्र प्याकुरेलले गरेका थिए ।

सम्बन्धित
प्रतिकृया दिनुहोस

तपाईंको इमेल ठेगाना प्रकाशित गरिने छैन।