चन्द्रकोट ७ का बोटे समुदायका महिलाहरूलाई तालिमसंगै कृषि सामाग्री हस्तान्तरण

0 1,086

महेश बोहरा, असार १९,

गुल्मी जिल्लाको चन्द्रकोट गाउँपालिकामा प्रविधि हस्तान्तरण कार्यक्रम सम्पन्न भएको छ । गाउँपालिकाको वडा नम्बर ७ मा बोटेगाउँका सिमान्तकृत बोटे समुदायका महिलाहरूको लागि लक्ष्ति गरी कार्यक्रम गरिएको हो ।

नेपाल सरकार उद्योग बाणीज्य तथा आपुर्ति मन्त्रालयको सहयोग तथा चन्द्रकोट गाउँपालिका गुल्मी मार्फत संचालित गरिबी निवारणका लागि लघु उद्यम विकास कार्यक्रम मेड्पा अन्तर्गत सम्पन्न भएको हो ।

ad

चालू आर्थिक बर्षमा संचालित कार्यक्रमहरु आवश्यकता पहिचानका आधारमा पुर्नताजगी तथा एड्भान्स सीप बिकास तालिम अन्तर्गत वडा नं ७ रूपाकोट बोटेगाउँका सिमान्तकृत बोटे समुदायका महिलाहरूको लागि लक्षित गरि यस अघि संचालन गरिएको मौसमी तथा बेमौसमी तरकारी खेती तालिमको प्रविधि हस्तान्तरण, प्रमाणपत्र वितरण तथा समापन कार्यक्रम सम्पन्न भएको छ ।


गाउँपालिका अध्यक्ष तथा उद्यम विकास समिति संयोजक युवराज केसीको अध्यक्षता, उपाध्यक्ष विष्णु प्रसाद भण्डारीको विशिष्ट आतिथ्यतामा संचालित कार्यक्रममा कार्यपालिका सदस्य विष्णुकला थापा, कपत्रकार घनश्याम गौतम, कार्यक्रम सम्पर्क व्यक्ति, कृषि विकास शाखा प्रमुख, उद्यम विकास सहजकर्ता लगायतको उपस्थिति रहेको थियो ।

जस अन्तर्गत समुहमा आवद्ध २० जनामा प्रत्येक सदस्यलाई पोली ट्याङ्क, विभिन्न किटनाशक औषधि, विउपल, गार्डेन पाईप, हजारी, सेफ्टि ज्याकेट लगायतका कृषि जन्य सामाग्री प्रदान गरिएको थियो भने समुहलाई १ वटा कुटानी पिसानी मिल समेत उपलब्ध गराईएको थियो ।

 

 

 

 

 

सम्बन्धित
प्रतिकृया दिनुहोस

तपाईंको इमेल ठेगाना प्रकाशित गरिने छैन।