अनिल खत्री
१४ कात्तिक, गुल्मी । गुल्मी महोसत्वको तयारी पुरा भएको छ । कार्तिक १५ देखि २५ गतेसम्म हुने गुल्मी महोत्सवको सम्पूर्ण तयारी पुरा भएको गुल्मी उद्योग संघले पत्रकार सम्मेलनको मार्फत जानकारी दिएको हो ।
महोत्सवमा कृत्रिम खादा, ब्याच र मालामा समेत आयोजकले रोक लगाएको छ । त्यसको सट्टामा स्थानीय उत्पादनलाई प्राथामिकता दिएर फूल र पिपलका पातमा व्याच प्रयोग गर्ने आयोजकले जनाएको छ ।
गुल्मी महोत्सवमा उपल्लो तम्घासमा साँस्कृतिक कार्यक्रमहरुसँगै जिल्ला स्थित उत्पादन हुँने कृषि जन्य समाग्रीहरु, मनोरञ्जनात्मक पिङ लगायत विभिन्न औद्योगित क्षेत्रबाट उत्पादित सामाग्रीहरुको बिक्री वितरणको लागी राखिने भएको छ । मेलामा ३ सय वटा स्टल रहने भएका छन् ।
त्यसमध्ये ५० वटा स्टल स्थानीय उत्पादनका सामाग्रीहरु राखिने भएको गुल्मी उद्योग संघका अध्यक्ष नवराज भुसालले बताए । महोत्सवमा राखिने सबै स्टलहरु बुकिङ भइसकेको गुल्मी उद्योग संघका बरिष्ठ उपाध्यक्ष जनक पन्थले बताए ।
महोत्सवमा स्थानीय व्यापारीहरुलाई प्रोत्सहान गर्न भन्दै ३० प्रतिशत छुटमा स्टल दिइएको पन्थले बताए । महोत्सवमा विभिन्न औद्योगिक क्षेत्रबाट उत्पादित सामग्रीहरूसँगै गुल्मी जिल्लामा विभिन्न जाति विशेषका खाना परिकारहरू, विभिन्न संस्कृति झल्किने झाँकीहरू पनि प्रदर्शन गरिने संघका अध्यक्ष भुसालले जानकारी दिए ।
जिल्लामा ठूला उद्योग नभएकाले साना तथा मझौला उद्योगको प्रचारप्रसार गरेर प्रवर्द्धन गर्ने उद्देश्यले महोत्सव आयोजना गरिएको आयोजकले जनाएको छ । महोत्सवमा स्थानीय स्तरबाट उत्पादन भएका सामग्रीको प्रदर्शन गरिनुका साथै कृषि उत्पादनको प्रदर्शन गरेर बजारीकरणमा टेवा पु¥याउने आयोजकले लक्ष्य लिएको आयोजकले जनाएको छ ।
स्थानीय स्तरमा उत्पादन भएका फुलको माला, पिपलको पात ब्याच प्रयोग गर्ने संघका महासचिव सुदर्शन खनालले बताए ।
स्थानीय पहिचानलाई चिनाउने र देशव्यापी प्रचारप्रसार गर्ने लक्ष्य रहेको छ । महोत्सवमा एक लाख दर्शक भित्र्र्याउने र ६० करोड बराबरको कारोबार गर्ने आयोजकले अपेक्षा लिएको छ ।
महोत्सवको उद्धघाटन रेसुङ्गा नगरपालिका प्रमुख खिलध्वज पन्थीले गर्ने भएका छन् । भोलि अर्थात् महोत्सवको पहिलो दिन मदाने गाउँपालिकाका महिलाको पन्चेबाजा पर्दशनी, विभिन्न आमासमुह मार्फत भगवती मन्दिर हुँदै र्र्याली चर्चित कलाकार बैकुण्ठ महत, रामचन्द्र चन्द लगायतका कलाकारको प्रस्तुति रहने वरिष्ठ उपाध्यक्ष पन्थले जानकारी दिए ।
विद्यार्थीलाई ५० रुपैयाँ र सर्वसाधारणलाई १ सय रुपैयाँ प्रवेश शुल्क तोकिएको छ । महोत्सव अवधीभर सांस्कृतिक कार्यक्रममा नेपाली सिने जगतमा महानायक राजेश हमालदेखि लोकप्रिय कार्यक्रम इन्द्रेणी टिम सहित विभिन्न बिधाका झण्डै एकसय बढी कलाकारको प्रस्तुती रहने भएको छ ।