सूर्य सुनार
चैत्र १९, गुल्मी
मुसिकोट नगरपालिकाका बासिन्दाका निःशुल्क रगत उपलब्ध गराउने सम्झौता भएको छ । मुसिकोट नगरपालिकाले रक्तसञ्चार सेवा केन्द्रसँग सम्झौता गरीे रुपन्देही र भैरहवाका अस्पतालहरुमा उपचार गर्दा आवश्यक पर्ने रगत र रगतजन्य पदार्थ लिँदा शुल्क नलाग्ने व्यवस्था गरेको हो ।
नेपाल रेडक्रसद्धारा संचालित रक्तसञ्चार केन्द्रबाट उपलब्ध हुने रगत निशुल्क उपलब्ध गराउनेबारे मुसिकोट नगरपालिकाका प्रमुख जीवन खरेल र प्रमुख प्रशासकीय अधिकृत चेतनाथ गिरीले रेडक्रस सभापति रामचन्द्र उपाध्याय, मन्त्री टेकबहादुर थापा तथा रक्तसञ्चार केन्द्रका इन्चार्ज राधा ज्ञवालीले सम्झौतामा हस्ताक्षर गर्नुभएको छ ।
मुसिकोटवासीले रुपन्देही र भैरहवामा उपचार गर्दा रगत आवश्यक परेमा रगतका लागि पैसा बुझाउन नपर्ने गरी सम्झौता गरिएको मुसिकोट नगरपालिकाका नगरप्रमुख जीवन खरेलले बताउनुभयो । नगरपालिकाले नागरिकहरूको रगत अभावका कारण स्वास्थ्यमा हुने जोखिम न्यूनीकरणका लागि पालिकाले सम्झौता नगरप्रमुख खरेलले बताउनुभयो ।
निःशुल्क रगत सेवा लिने व्यक्ति मुसिकोट नगरपालिकाको बासिन्दा भएको प्रमाणित हुने कुनै किसिमको कागजात नागरिकता, परिचय–पत्र, आदिको प्रतिलिपि विरामीका आफन्तले रक्तसंचार सेवामा पेस गर्नुपर्ने प्रमुख प्रशासकीय अधिकृत चेतनाथ गिरीले बताउनुभयो ।
रक्तसञ्चार केन्द्रबाट रगत निशुल्क उपलब्ध गराए वापत रगतको रकम मुसिकोट नगरपालिकाले रेडक्रसलाई बुझाउनेछ ।